جمعہ ۲۲ جنوری۲۰۲۱

نیپرا کی بجلی کی قیمت میں ایک روپے 56 پیسے فی یونٹ اضافے کی منظوری

جمعرات, ۲۶   دسمبر ۲۰۱۹ | ۰۱:۳۲ شام

نیپرا نے بجلی کی قیمت میں ایک روپے 56 پیسے فی یونٹ اضافے کی منظوری دے دی۔

اسلام آباد میں نیشنل الیکٹرک پاور ریگولیٹری اتھارٹی (نیپرا)کے چیئرمین توصیف ایچ فاروق کی صدارت میں سینٹرل پاور پرچیزنگ ایجنسی کی ماہانہ فیول ایڈجسٹمنٹ کی مد میں بجلی کی قیمتوں میں اضافے سے متعلق درخواست کی سماعت ہوئی۔سینٹرل پاور پرچیزنگ ایجنسی نے درخواست میں موقف اختیار کیا تھا کہ اکتوبر کے مہینے میں پانی سے 25.48 فیصد، مقامی گیس سے 12.17 فیصد اور درآمدی ایل این جی سے 25.41 فیصد بجلی پیدا کی گئی، اس دوران ہائی اسپیڈ ڈیزل سے بجلی پیدا نہیں کی گئی، پاور سیکٹر کو 300 ایم ایم سی ایف ڈی طلب کے برعکس 150 ایم ایم سی ایف ڈی فراہم کی جارہی ہے، گیس نہ ملنے کے باعث فرنس آئل والے پلانٹس چلا رہے ہیں۔ جس کی وجہ سے بجلی کی پیداواری لاگت میں ایک روپے 73 پیسے فی یونٹ اضافہ ہوا۔نیپرا نے بجلی کے نرخ ایک روپے 73 پیسے کے بجائے ایک روپے 56 پیسے فی یونٹ اضافے کی منظوری دے دی۔ قیمتوں میں حالیہ اضافے سے صارفین پر 14 ارب 50 کروڑروپے کا بوجھ پڑے گا۔ اس کا اطلاق کے الیکٹرک صارفین پر نہیں ہوگا۔



تبصرہ کریں