پیر ۱۶ ستمبر۲۰۱۹

بھارت سے ادویات اور طبی آلات کی تجارت پر عائد پابندی ختم

منگل, ۰۳   ستمبر ۲۰۱۹ | ۱۱:۰۱ صبح

چوہدری سیف اللہ: وفاقی حکومت نے انسانی ہمدردی کی بنیاد پر بھارت سے ادویات اور طبی آلات کی تجارت پر عائد پابندی ختم کردی۔

بھارت کی جانب سے جموں کشمیر کی حیثیت تبدیل کیے جانے اور جارحیت کے بعد پاکستان نے بھارت سے طبی آلات اور ادویات کی مد میں تجارت پر پابندی عائد کردی تھی تاہم اب حکومت نے یہ پابندی ختم کردی ہے۔وزارت تجارت کی جانب سے اس ضمن میں دو نوٹیفکیشن جاری کیے گئے ہیں جس کے تحت امپورٹ پالیسی آرڈر 2016ء اور ایکسپورٹ پالیسی آرڈر 2016ء میں ترامیم کردی گئی ہیں اور اب پاکستان سے پہلے کی طرح ادویات و طبی آلات بھارت درآمد اور برآمد کیے جاسکیں گے۔یہ اقدام انسانی ہمدردی کی بنیاد پر دونوں ممالک کے عوام کو علاج کی سہولیات کے پیش نظر اٹھایا گیا ہے۔

تبصرہ کریں