منگل ۲۲ اکتوبر۲۰۱۹

اٹلی کے ماہرین کا ڈرون کے ذریعے دیوار پر پینٹنگ کا مظاہرہ

جمعرات, ۰۴   جولائی ۲۰۱۹ | ۰۳:۳۷ شام

سیرت فاطمہ:اٹلی کے ماہرین نے چار ڈرون کی مدد سے دیوار پر پینٹنگ بنانے کا مظاہرہ کیا ہے ، جسے گریفیٹی بھی کہا جاتا ہے۔

دیوارپرپینٹنگ کا مظاہرہ ایک منصوبے کے تحت کیا گیا جسے‘‘اربن فلائنگ اوپرا’’(یو ایف او) کا نام دیا گیا۔ اس منصوبے کے لئے اٹلی  کے شہر  ٹیوزن کی انتظامیہ نے مختلف افراد سے کئی متاثرکن منصوبوں کی تفصیل مانگی تھی۔ یہ مقابلہ ایک ڈیزائننگ کمپنی کارلو ریٹی کمپنی نے کرایا تھا جس میں ایک ہزار لوگوں نے اپنے اپنے پروجیکٹ بھیجے جن میں سے 100 قبول کئے گئے۔

ڈرون کے ذریعے دیوار پر پینٹنگ کا مظاہرہ دیکھتے کے لئے اس پر کلک کریں۔

پینٹنگ کے لیے ایک کار ساز کمپنی میں متروک دیوار کا انتخاب کیا گیا جو اٹلی کے شہر ٹیورن میں واقع ہے۔ 25 اور 26 جون کو پروگرام سے کنٹرول کئے گئےچار ڈرون نے پوری دیوار پر ایک خوبصورت پینٹنگ بناڈالی ۔ مرکزی کنٹرول سسٹم نے ہر ڈرون اور رنگوں کو الگ الگ کنٹرول کیا اور ماہرین اس پورے عمل کا بغور جائزہ لیتے رہے۔                                                                                                                                                                                                                                                 

تبصرہ کریں